İsmayılzadə Mikayıl Əbdülqadir oğlu (Mikayıl Müşfiq) (5 iyun 1908 — 6
yanvar 1938[1]) — şair, Azərbaycan Yazıçılar Birliyinin üzvü (1934).
Azərbaycan poeziyasının yaranmasında və inkişafında böyük rolu oynamış
nadir istedadlı şairlərdəndir.[2].Mikayıl Müşfiq 1908-ci il iyunun 5-də Bakı şəhərində,
ziyalı ailəsində anadan olmuşdur. O, əslən Xızı rayonundan olub. İbtidai təhsilini
inqilabdan əvvəl rus-tatar məktəbində almışdır. Azərbaycanda Sovet hakimiyyəti
qurulduqdan sonra Bakı darül-müəllimində və 12 saylı II dərəcəli məktəbdə
oxumuşdur. Azərbaycan Dövlət Darülfünunun dil və ədəbiyyat fakültəsini
bitirmişdir (1927-1931).
