ŞƏHRİYAR

 

XAN NƏNƏ !

Xan nənə! hayanda qaldın

Belə başıva dolanım

Necə mən səni itirdim?

Da sənin tayın tapılmaz

Sən ölən gün əmmə gəldi,

Məni getdi ayrı kəndə

Mən uşaq nə anlıyaydım?

Başımı gatıp uşaqlar

Neçə gün mən orda galdım.

Gayıdıp gələndə baxdım

Yerivi yığışdırıplar

Nə özün və nə yerin var.

"Hanı Xan nənəm?"-Soruşdum.

Dedilər ki, Xan nənəni

Aparıplar Kərbəlayə

Ki şəfasın ordan alsın

Səfəri uzun səfərdir

Bir iki il çəkər gəlincə

Necə ağlaram yanıxlı ?

Neçə gün elə çığırdım,

Ki səsim, sinəm tutuldu

O mən olmasam yanında,

Özü heç yerə gedənməz

Bu səfər nolupdı mensiz

Özü tək goyup gedipdi ?

Hamıdan acığ edərkən

Hamıya acığlı bakdım

Sonra başladım ki:Mən də

Gedirəm onun dalınca

Dedilər səninki tezdir.

İmamın məzarı üstdə

Uşağı aparmag olmaz.

Sən oxu Qur'anı tez çıx

Sən onu çıxınca bəlkə

Gələ xan nənən səfərdən

Təlesik ravanlamaxda

Oxuyup Qur'anı çıxdım

Ki yazım sənə: Gəl indi

Daha çıxmışam Qur'anı

Mənə sovgət al gələndə

Amma hər kağaz yazanda

Ağamın gözü dolardı

Sən də ki, gəlip çıxmadın

Neçə il bu intizarla

Günü həftəni sayardım

Ta yavaş-yavaş göz açdım

Anladım ki, sən ölüpseən

Bilə-bilmiyə henüz de

Ürəyimdə bir itik var

Gözüm axtarır həmişə.

Nə yamandı bu itiklər

Xan nənə, canım nolaydı

Seni bir də mən tapaydım

O ayaglar üstə bir də

Döşənip bir ağlayaydım

Golu halgə salmış ip tək

O ayağı bağlıyaydım

Ki, daha gedənmiyeydin

Gecələr yatanda, sən də

Meni goynuva alardın

Necə bağrıva basardın ?!

Golun üstə gah salardın

Acı dünyanı atarkən

İkimiz şirin yatardıx

Yuxuda löley atarkən

Səni mən bələşdirərdim

Gecəli, su gızdırardın

Özüvü təmizleyərdin

Gene də məni öpərdin

Heç mənə acıxlamazdın

Savaşan mənə kim olsun

Sən mənə havar durardın

Məni sən anam döyəndə

Gapıp aradan çıkardın.

Elə istilik o istək ?!

Daha kimsədə olarmı ?!

Ürəyim deyir ki: Yox, yox

O dərin səfalı istək

Mənim o əzizliyim tək

Sənilə gedip tükəndi

Xən nənə, özün deyərdin

Ki, sənə behiştdə Allah

Verəcək nə istiyürsən

Bu sözün yadında galsın

Mənə qolunu veripsən

Elə bir günüm olursa

Bilirsən nə istərəm mən ?

Sözümə dürüst gulax ver

"Senilə uşaxlıq əhdin

Xan nənə, aman nolaydı

Bir uşaxlığı tapaydım ?!

Bir də mən sənə çataydım

Sənilə gucaxlaşaydım

Sənilə bir ağlaşaydım

Yenidən uşağ olurkən

Gucağında bir yataydım

Elə bir behişt olursa

Daha mən öz Allahımdan

Başga bir şey istəməzdim.